SUKCESO DE LA POLA ILEI
Dodane przez Odi dnia 13/02/2010 16:50:10
Dum la lasta ILEI-Konferenco la estraro de la pola sekcio de ILEI promesis eldoni ĝis la fino de 2009 specialan kajeron kun prelegoj, kiujn oni aŭdigis dum la konferenco.
Treść rozszerzona
Dum la lasta ILEI-Konferenco la estraro de la pola sekcio de ILEI promesis eldoni ĝis la fino de 2009 specialan kajeron kun prelegoj, kiujn oni aŭdigis dum la konferenco. Kun granda ĝojo ni informas, ke ni sukcesis ne nur eldoni nian Sciencan Kajeron, sed ankaŭ dissendi ĝin al la aŭtoroj de la prelegoj kaj al la tradukintoj.




SUKCESO DE LA POLA ILEI-SEKCIO!

Dum la lasta ILEI-Konferenco la estraro de la pola sekcio de ILEI promesis eldoni ĝis la fino de 2009 specialan kajeron kun prelegoj, kiujn oni aŭdigis dum la konferenco. Kun granda ĝojo ni informas, ke ni sukcesis ne nur eldoni nian Sciencan Kajeron, sed ankaŭ dissendi ĝin al la aŭtoroj de la prelegoj kaj al la tradukintoj. Kelkajn ekzemplerojn ricevos ILEI kaj kelkaj gravaj E-centroj.
Antaŭ la ILEI-Konferenco ni trovis la sponsoron, dank' al kiu ni povis tiel rapide efektivigi nian promeson. La kajero aspektas plaĉe, kaj ĝia enhavo estas interesa. Kompreneble en Esperanto.

La 42-a ILEI-Konferenco en Krakovo montris, ke en Pollando oni povas trovi sciencistojn, kiuj konas Esperanton, aŭ almenaŭ apogas la agadon por Esperanto. Kun ilia helpo ni provis eldoni la unuan Sciencan Kajeron. Ĝi ampleksas ne nur la prelegojn de la Konferenca Simpozio sed ankaŭ kelkajn prelegojn, kiujn oni aŭdigis dum la konferenco kaj tial ni nomis ĝin Sciencaj Kajeroj. En estonteco valorus plialtigi ĝian sciencan nivelon kaj eldoni nur recenzitajn artikolojn. Sed eĉ nun okulfrapas la evidenta scienca valoro de kelkaj artikoloj, do ni apogis la iniciaton aperigi ilin ne en postsimpoziaj materialoj, sed en Sciencaj Kajeroj.

La unuaj paŝoj estas malfacilaj, eraroj neeviteblaj, sed tiuj stumbloj ne haltigu la evoluon de kontaktoj kun la scienca medio.

Ni dankas al ĉiuj, kiuj fidis al ni sendante la tekstojn de siaj prelegoj. Ni tre volas danki al Adam Łomnicki, lingva redaktoro, kaj al Robert Kamiński, teknika redaktoro, ĉar nur dank' al iliaj peno kaj laboro ni povas nun montri la imponan rezulton kaj esti fieraj, ke ni plenumis nian promeson kaj aperigis la unikan prelegaron.
ILEI-internacia planas aperigi en PDF-formato iomete adaptitan version de la verko, kaj esploras eblon por presita versio kun limigita eldonkvanto (50 ghis 100 ekz.). Anoncigho de personoj kiuj dezirus ricevi la verkon en fizike presita formo estas bonvenaj.

Por la estraro de la pola ILEI-sekcio
Małgosia Komarnicka